Sprettur stuðlar að gagnkvæmri aðlögun núverandi og verðandi nemenda með erlendan bakgrunn í háskólasamfélaginu með innleiðingu fjölbreyttra verkefna:

• Fjölmenningarfulltrúi: Verkefnisstjóri Spretts er jafnframt fjölmenningarfulltrúi Háskóla Íslands og starfar í nánu samstarfi við jafnréttisfulltrúa að eflingu jafnréttis og inngildingar innan háskólasamfélagsins. Fjölmenningarfulltrúinn býður upp á fyrirlestra og ráðgjöf, auk þess að styðja við menningarlega viðburði innan háskólans.  

• Ráðgjöf við nemendur og tilvonandi háskólanemendur: Sprettur veitir upplýsingar, leiðbeiningar og ráðgjöf sem hjálpa einstaklingum að íhuga möguleika og skilyrði fyrir inngöngu í háskólanám.

• Námshópar fyrir nemendur: Sprettur býður reglulega námshópa með mentorum til að styðja við heimanám í mismunandi námsgreinum. Hóparnir eru sérstaklega ætlaðir nemendum sem eru að ljúka framhaldsskóla og nemendum við Háskóla Íslands. Skráning er nauðsynleg.  

• Undirbúningur fyrir háskólanám, opið öllum: Röð fyrirlestra og vinnustofa sem styðja þátttakendur við að undirbúa sig fyrir nám í háskóla, með áherslu á námslegar, félagslegar og menningarlegar áskoranir. Viðburðirnir eru opnir innflytjendum gegn skráningu.  

• Stuðningur við íslenskunám, opið öllum: Viðbótarstuðningur er veittur við æfingar í íslensku og mismunandi aðferðir við tungumálanám kynntar.  

• Fjölmenningarleg leiðsögn / mentoring innan Háskóla Íslands: Sprettur býður upp á þjálfun og fræðslu fyrir mentora í því mikilvæga hlutverki að styðja nám og menningaraðlögun nemenda með erlendan bakgrunn.  

• Vinnustofur fyrir innleiðingu mentorakerfa fyrir framhaldsskóla: Vinnustofur þar sem unnið er með þróun og innleiðingu mentorakerfa í framhaldsskólum. Vinnustofurnar eru sérsniðnar að staðbundnum aðstæðum og þörfum. Nánari upplýsingar veitir Verkefnisstjóri Spretts.  

• Inngilding í íslensku háskólasamfélagi: Sprettur tekur virkan þátt í mótun stefnu um inngildingu innflytjenda í opinberum háskólum á Íslandi.